Blog Post

A takdir tu hi bata de kya chahti hai mujhse,
thoda diya jyada china har par pal tune mujhse,
Kya aarju thi meri, aur kya manzil dilai tune,
har saan har dhadkan mein di sirf bewafai tune,
fir bhi jeeta raha, hasta raha apno ke liye,
Na hasrat thi jeene ki fir bhi zinda rakha tune,
A takdir tu hi bata de kya chahti hai mujhse,

Alfazo mein dard hai par labo par hasi di tune,
rona bhi chaha to tanahiyo mein yaade di tune,
Mahfile to roshtan ho hi jaati hai humare aane se,
Par dil aur bhi jal uthta hai unke aa jaane se,
Mujhe sikayat unse nahi, Sikayat to tujhse hai,
Ke jisko di har sanse apni usse bhi dur kar diya tune,
A takdir tu hi bata de kya chahti hai mujhse,

Tu kahe to har katra khun ka tere naam kar du,
Apni har khushi aur arzon bas apne dil mein dafan kar du,
tu bas wada kar ke mere apne khush rahenge,
Kahe to unki khatir khud ko main fanaah kar du,
Magar tere irade nahi samjh paya e takdir,
Jine ko koi maksad nahi aur na marne ki wajh,
A takdir tu hi bata de kya chahti hai mujhse,

Kal bhi akela tha aur aaj bhi waisa hi tanha hun,
Rota hun tanhaiyo main aur mahfilo mein hasta hun,
Teri hi dor se bandha hun mein e takdir,
Nachta hun usi taal par, bas tu yun hi nachaye ja,
Ab dekhna hai pahle teri dor tutegi ya meri sanso ki,
Ab na koi fariyad hai na tawjo e takdir tujhse,
Tu bas bas mujhe bata de aakhir kya chahti hai mujhse,